Bann marmay CM1 sanm CM2 la giny la shans rankont in shantèr védèt Maloya : Danyèl WARO.

Bana la poz kèstyon, la shanté, la zoué zinstriman sanm li !

In gayar matiné ranpli la zoi, la kiriozité, ladmirasyon tousala an kréol byinsir !!

Marmay sanm Danyèl Waro i artrouv azot lindi prosin. Lé posib bana i prépar in sirpriz. Si zot i vé konèt, marmay i done azot randévou lo 1 ziyé lékol la Chaloup.